Вершы пра маці

Мама, мацi, матуля...

У дзень Маці

У дзень Маці

Сярэдняя: 3.9 (10 галасоў)

Ляціце дахаты, ляціце,
Бо знічкаю час прамільгне.
Душу дабрынёй загаіце,
Пакуль вам хапае яе.

Пакуль яшчэ мама чакае,
Адолеўшы скруху адна,
І песняй тугу праганяе,
А ў хаце святло дапазна.

У печы вуголле сатлее,
І ноч ахіне неўпрыкмет,
А мама пяшчотна з надзеяй
Засцеле стары табурэт.

Як люба ўсё гэта, як міла,
Як вабіць нязбыўны той час!
Нязнанай таемнаю сілай
Пакліча маленства ўсіх нас.

Прыедзем да мамы на госці –
Ніхто не прывеціць гасцей,
А згадкі чамусь на пагосце
Такія ўсплываюць часцей.